Ricciardo fiton në Monaco

Ngasësi i Red Bullit, Daniel Ricciardo, ka bërë një garë të jashtëzakonshme sot në Monaco, për të fituar garën për Çmimin e Madh të Monaco Grand Prix.

Ai ka lënë pas tij Sebastian Vettelin e Ferrarit dhe Lewis Hamiltonin e Mercedesit, ndërsa me këtë fitore ka dalë në vend të tretë në listën e garuesve të këtij viti.

Para kësaj gare, Hamilton kishte 95, Vettel 78 e Ricciardo 47 pikë. Ndërsa nga sot, Hamilton ka 107 pikë në vend të parë, Vettel mbetet i dyti por i afrohet liderit për tre pikë, duke pasur 93 pikë. Ricciardo prej vendit të pestë me 47, tash kalon në vend të tretë me 72 pikë.