MONACO GP
REUTERS/Benoit Tessier
Rosberg mbi Hamiltonin
25 May, 2013 @16:00
Nico Rosberg përsëri është treguar më i shpejtë sesa kolegu i tij i skuadrës, Lewis Hamilton, ashtu që Mercedesi t’i zë dy pozitat e para në startin e garës për Çmimin e Madh të Monacos që zhvillohet nesër.
Dy ngasësit e Red Bullit, në anën tjetër, kanë humbur shpresat për pole-position kur britaniku Hamilton kreu xhiron për 1 minutë 13.967 sekonda. Por Rosberg pak më vonë kaloi edhe Hamiltonin, pasi që ishte më i shpejtë, për nëntë të qindëta të sekondës.
Me këtë, Rosberg ka dalë për tre herë me radhë më shpejtë se Hamiltoni në pole-positon, te garat e fundit.
Tentimi i fundit i Sebastian Vettelit ishte i mjaftueshëm vetëm për pozitën e tretë, derisa Mark Webber kaloi në të katërtën, për të kompletuar reshtin e dytë të garës ekipi Red Bull.
Kimi Raikkonen dhe Fernando Alonso okupuan rendin e tretë, duke i zënë pozitat pesë dhe gjashtë. Sergio Perez i McLarenit doli i shtati, dy vende para kolegut të tij të skuadrës, Jenson Button, që përfundoi i nënti.
MONACO GP - POLE POSITION:
| 1 | Nico Rosberg | Mercedes | ||
| 2 | Lewis Hamilton | Mercedes | ||
| 3 | Sebastian Vettel | Red Bull |
RENDITJA E PËRGJITHSHME, PARA MONACO GP:
| 1 | Sebastian Vettel | Red Bull | 89 pikë | |
| 2 | Kimi Raikkonen | Lotus | 85 pikë | |
| 3 | Fernando Alonso | Ferrari | 72 pikë |
