Sot ka ditëlindjen

Tifozët e Ferrarit do të parakalojnë në qetësi përreth spitalit të Grenobleit, për t’i dhënë përkrahje Michael Schumacherit në ditëlindjen e tij të 45. 

Shtatë herë kampioni botëror i Formula 1 është në komë pas aksidentit në skijim dhe po lufton për jetë pas dy operacioneve. 

Faqja zyrtare e Ferrarit ka thënë se klubi Scuderia Ferrari dëshiron të tregojë përkrahjen e madhe për gjermanin duke e organizuar një ngjarje të qetë respektuese të veshur me ngjyrë të kuqe, përreth spitalit në ditëlindjen e 45 të ngasësit. 

Michael Schumacher është ngasësi më i suksesshëm në histori të Formuala 1. Familja e tij ka postuar një fotografi në faqen zyrtare të Schumacherit duke i falenderuar të gjithë për përkrahje ku thuhet: “Ne e dimë se ai është luftarak dhe nuk do të dorëzohet.”