Kthehet Sharapova

Numri 4 i botës në tenis, Maria Sharapova, pas një kohe të gjatë i kthehet terreneve. Ajo po bëhet gati që të merr pjesë në turneun ndërkombëtar të Brisbaneit në Australi. 

Tenistja 26 vjeçare ruse, Sharapova, ka thënë se po bëhet gati që t’i kthehet tenisit dhe se dëshiron që të arrijë formën e duhur para Grand Slamit, Australian Open, që është Grand Slami i parë i vitit të ardhshëm. 

Ajo ka qenë e lënduar nga gushti i këtij viti duke pasur tërheqje muskulore në krahun e saj. 

“Kam punuar shumë gjatë mungesës dhe dua t’i kthehem formës sime më të mirë para Australian Open,” ka thënë ajo, njoftojnë mediat amerikane. 

Në Brisbane, në raundin e parë ajo do të ndeshet me tenisten françeze, Caroline Garcia.