Schumi, në gjendje kritike

Njëri ndër sportistët më të suksesshëm dhe më të famshëm në botë, Michael Schumacher është duke luftuar për jetë, njoftojnë mediat e huaja sot. 

Përkundër se pas aksidentit të pësuar dje në alpet françeze duke u skijuar u tha se nuk kishte ndonjë rrezik për atë, gjendja ka ndryshuar në ndërkohë. 

Schumacher pas rrëzimit duke skijuar ka goditur me kokë në një shkëmb. Përkundër se është dërguar në vetëdije të plotë urgjentisht në spital, ai tashmë është në gjendje kritike. 

“Ai ka pësuar traumë koke me komë, që çoi në tretman neurokirurgjik urgjent. Ai mbetet në gjendje kritike dhe po lufton për jetë,” është thënë në letrën e agjentit të ngasësit gjerman, e cila u lexua nga zyrtarët e spitalit ku po trajtohet Schumi.