OLIMPIADA DIMËRORE - PYEONGCHANG 2018
Tobiasët përsëri të artë
14 February, 2018 @17:29
Tobias Wendl e Tobias Arlt kanë mbrojtur titullin olimpik të fituar në Sochi. Ata siguruan të artën në disiplinën e dysheve në luzh duke përfunduar dy rundet në kohë prej 1:31.697, që ishte 0.088 sekonda më shpejtë se austriakët Peter Penz e Georg Fischler.
Ishte kjo e argjendta e dytë e radhës për Austrinë në këtë disiplinë në Olimpiada, me vëllezërit Linger që kishin siguruar të argjendtën në Sochi. Suksesi nga Sochi nuk mundën ta përsërisin letonezët, Sics. Ata përfunduar të gjashtit pas medaljes së bronztë që kishin fituar para katër viteve.
Kësaj radhe, medalja e bronztë u takoi gjermanëve Toni Eggert e Sascha Benecken, të cilët mbetën 0.290 sekonda para bashkëkombësve të tyre të artë.
Garat në luzh mbarojnë të enjten me finalen e stafetës ekipore që nis në ora 13.30.
