Disiplinorja dënon Vëllaznimin me “vërejtje të fundit”

Pas incidentit të ndodhur në ndeshje ndaj Lirisë në kuadër të xhiros së shtatë të Ligës së Parë, të zhvilluar në “Liman Gegaj” të Malishevës ku Vëllaznimi mposhti Lirinë 2-1, Komisioni Disiplinor ka marrë vendimin ndaj KF Vëllaznimit.

Në njoftimin e lëshuar në faqen zyrtare të FFK-së, është bërë e ditur se Vëllaznimi është dënuar me masën disiplinore - Vërejtje e fundit.

Mëposhtë, po e sjellim njoftimin e plotë për KF Vëllaznimin, të lëshuar nga Komisioni Disiplinor dhe i Etikës (Shkalla I).

—-

KF ”Vëllaznimi”. Lëshim në organizim të ndeshjes. Pas përfundimit të ndeshjes duke shkuar në dhomat e zhveshjes ekipet patën fërkime dhe shtyerje të cilat përfunduan më kaq , ndërsa lojtari i KF”Vëllaznimi”, Norik Krasniqi u vërsul drejt aisistentit Lirak Ibërdemaj për ta sulmuar fizikisht, por që u parandalua nga stafi i ekipit vendas. Kjo situatë nxiti tifozët vendas të cilët filluan të gjuanin me sende të forta (shishe) në drejtim të ekipit të gjyqtarëve. Falë intervenimit të policisë u evitua më e keqja. Sipas raportit të personave zyrar të ndeshjes Vëllaznimi-Liria. Bazuar në nenin 52 paragrafi 1 pika A të Rregullores disiplinore i shqiptohet masa disiplinore VËREJTJE E FUNDIT.