Chloe Kim afër perfeksionit

Tinejxherja amerikane, Chloe Kim ka shënuar 98.25 pikë duke i afruar perfeksionit në garën finale në halfpipe. Ajo vazhdoi ditën e shkëlqyeshme të saj, pasi në rrethin e parë kishte marr 93.75 pikë që edhe ashtu do t’i mjaftonin për titull.

Dominimi amerikan, pas të artës së 17 vjeçares Kim, vazhdoi edhe me të bronztën e Arielle Gold. Ajo në rrethin e fundit pati 85.75 pikë duke lënë pas bashkëkombësen Kelly Clark me 83.50 pikë.

Amerikanet që kanë dominuar deri tash garat e snoubord, u ndanë nga kinezja Jiayu Liu. Ajo në rrethin e dytë kishte arritur 89.75 pikë që i mjaftuan për medaljen e argjendtë.

Garat në snoubord vazhdojnë të mërkurën në ora 2:30 me disiplinën halfpipe për meshkujt, ku Shaun White është favoriti kryesor për një të artë tjetër amerikane.