Webber lë Formula 1-shin

Ngasësi australian i Red Bullit, Mark Webber, do të largohet nga Formula 1 në fund të këtij stinori. 

Webber 36 vjeç që është duke pilotuar me Red Bullin që nga viti 2007, bëhet e ditur se do t’i bashkohet garave të qëndrueshmërisë, gara këto 24 orëshe. 

“Porsche ka shkruar histori si prodhues i kerreve të shpejta dhe ka performancë dhe teknologji të jashtëzakonshme. Prej tash më kanë kapluar emocionet e ngasjes së kerrit më të shpejtë sportiv në botë,” ka thënë austrialiani, duke treguar edhe ekipin për të cilin do të merr pjesë në këto gara.