Bashkëpunim premtues mes Kosovës e Turqisë

Këtë vikend, Stambolli është nikoqir i turneut të parë ATP World Tour në Turqi, ku mer pjesë legjenda e tenisit botërorë, Roger Federer, dhe talenti i ri Grigor Dimitrov.

Stambolli është në ndërtim e sipër të qendrës më të madhe të tenisit në botë me mbi 60 terene tenisi. Ky është nje lajm fantastik për tenistët Kosovarë të cilët, në bazë të memorandumit, do të kenë qasjen e njejtë në këtë qendër.

Njoftimin e ka bërë të ditur vetë kryetari i Federatës së Tenisit të Kosovës, Shkelzen Domi, i cili ka nënshkruar memorandum me kreun e tenisit të Turqisë, Cengiz Durmus. 

“Turqia është duke bërë investime të mëdha në infrastrukturën e tenisit, siç është ndërtimi i qendrës më të madhe stërvitore në botë. Tenistët nga Kosova do të kenë trajtim të barabartë me tenistët turq në këtë qendër,” ka shkruar ndër të tjera Domi në llogarinë e tij në Facebook.