Besa mposht bullgarët si mysafir

Kampioni  i Kosovës, Besa Famiglia nga Peja, si mysafir tronditi ekipin bullgar, Fregata-Burgas, duke i gjunjëzuar me rezultat bindës 24:18 (10:13), në ndeshjen e parë të rrethit të parë të Kupës së EHF-it (Kupa Evropiane). Hendbollistët pejanë me një këmbë janë në rrethin e dytë. 

Kryetrajneri Arben Muqolli ka bërë një punë të madhe në ekipin pejan dhe vetë kjo fitore është bukuria më e mirë për hendbollin tonë, që është hera e parë një skuadër nga Kosova që zotëron si mysafir me një rezultat bindës në garat europiane. Në periodën e parë të lojës pejanët luajtën me një besim të plotë dhe ishin në epërsi edhe me tri gola (10:13). Epërsia e 30 minutave të parë ishte edhe një motivim edhe më i madh që në pjesën e dytë të janë edhe më energjikë dhe të shkathët. Hendbollisti Ante Kukrika me 6 gola, i ndihmuar nga Bajram Idrizi me 4 sosh etj. treguan lojë mjeshtërore dhe sa afrohej fundi i sfidës aq më shumë e thelluan fitoren.  Te vendasit Jordanov ka qenë më i rrezikshëm, i cili realizoi  6 gola, por jo edhe ta sfidojë fitoren e skuadrës pejane. Në përgjithësi Besa Famiglia ishte më e mirë sidomos funksionoi edhe mbrojtja në mënyrën më të mirë, e cila ishte edhe arma më e fortë e kësaj fitore me 6 gola diferencë dhe që pothuajse ia ka lehtësuar shumë punën për takimin e kthimit në fundjavë që zhvillohet në Pejë. Kryetrajneri Muqolli është i lumtur me këtë fitore ndaj një skuadre që pak ishte e njohur për pejanët, mirëpo, ky triumf në Burgas shton edhe më shumë apetitet të skuadra pejane që në takimin e kthimit të janë edhe më të përgatitur dhe të synojnë një fitore edhe më të thellë në konak të tyre. 

Formacionet dhe golat: