Bllokada e Adebayos vendimtare, Miami fillon me fitore finalen

Skuadra e Miami Heatit, duke e mposhtur Boston Celticsin pas vazhdimeve me rezultat 114-117, kaloi 1-0 në epërsi në serinë finale të Konferencës Lindore.

Fituesi i këtij dueli u caktua pas vazhdimeve. Vendimtare ishte bllokada e Bam Adebayos ndaj Tatumit në sekondat e fundit të ndeshjes, bllokadë që ia solli fitoren skuadrës.

Goran Dragic ishte më i miri te Miami me 29 pikë, 7 kërcime e 4 asistime. Ai u ndihmua edhe nga Jae Crowder me 22 pikë, Jimmy Butler me 20 pikë dhe Bam Adebayo me 18 pikë, 9 asistime e 6 kërcime.

Te Bostoni Jayson Tatum luajti me double-double prej 30 pikëve e 14 kërcimeve.

Ndeshja e dytë e serisë do të luhet më 18 shtator në ora 01:00.