Bora befason Bashkimin!

Në dy minutat e fundit Bashkimi shënoi 2 pikë, ndërsa Bora iu afrua në rezultat prej 78-84 siç figuronte edhe 2:56 minuta pa përfunduar ndeshja dhe në fund arriti të befasojë prizrenasit me fitore minimale 87-86 në fund!

Alex Lomax dha 5 pikët e fundit dhe jetike për Borën, ndërsa ekipi prishtinas i drejtuar nga Danilo Rakocevic ka shënuar fitoren e dytë sezonale në total si dhe të parën me trajnerin në fjalë, që zëvendësoi Arben Krasniqin në detyrë!

Lomax kreu lojën me 23 pikë e 7 asistime, ndërsa Adem Mekic dha 19 pikë e 6 asistime në fitore. Në këtë ndeshje lojë të mirë treguan edhe Rinor Memedi me 14 dhe Jetmir Zeqiri me 11 pikë të shënuara, që bëri edhe 6 kërcime.

TABELA AKTUALE

Bashkimi që nuk nisi mirë në çerek të parë 26-18, u këndell në çerek të tretë 10-23, por në dy minutat e fundit mosarritja për të shënuar më shumë se dy pikë bënë të veten dhe kështu ekipi i drejtuar nga Darko Radulovic pësoi për herë të tretë këtë stinor dhe atë befasisht nga ekipi që deri tash ishte i fundit në tabelë, ndërsa me sonte u ngrit në pozitë të parafundit!

Te Bashkimi nuk mjaftuan 24 pikët e Mack Smithit, e as double-double i Jayveous McKinnisit që kreu lojën me 16 pikë e 12 kërcime!

Fitorja bën që Bora të bëhet me bilanc 2-8 pas 10 ndeshjesh, kurse Bashkimi tash është në 8-3! Bora ka një ndeshje më pak të zhvilluar, pasi që përballjen me Prishtinën nuk e kanë luajtur dhe ajo duket të jetë shtyer, ndërsa asnjëri nga ekipet e as FBK nuk kanë bërë të ditur për datën kur do të luhet ajo.