Bashkimi me një hap në gjysmëfinale

Fitorja e thellë e Bashkimit në ndeshjen e parë çerekfinale ndaj Borës, bën që prizrenasit të jenë me një hap në gjysmëfinale të Kupës së Kosovës në basketboll. Kjo, pasi që sonte në Prishtinë, Bashkimi mposhti Borën me 22 pikë dallim, 66-88 për të krijuar avantazh të madh para ndeshjes së kthimit që luhet mesjavën që vjen në “Sezai Surroi”.

Me 20 pikë te Bashkimi më efikasi sonte ka qenë Mack Smith, ndërsa 14 pikë i ka shënuar Robert Rikic, që kreu lojën me double-double, duke bërë edhe 10 kërcime në fitore. Te Bora e drejtuar nga Danilo Rakocevic përforcimi i fundit i ekipit Vonterius Woolbright ka qenë më efikasi me 17 pikë të shënuara.