TRI PËRFORCIME
Prizreni zyrtarizon tre basketbollistë të huaj!
29 November, 2024 @15:11
Para xhiros së dhjetë të Superligës, KB Prizreni ka bërë të ditur se ka angazhuar tre basketbollistë të huaj të ri në ekip, pas largimit të disa të huajve javë më parë.
Bardhezinjtë nga Prizreni që drejtohen nga Arbnor Rifati kanë bërë të ditur se kanë angazhuar në ekip, Omar Jamaleddine, Jeremiah Kendall dhe Darryl Jordan Jr. Treshja sipas njoftimit do të jetë pjesë e klubit për këtë stinor të Superligës.
Omar Jamaleddine është basketbollist amerikano-libanez, ndërsa së fundi ka qenë pjesë e Sagesses në ligë të Libanit. Ai aty ka pasur mesatare prej 7.4 pikësh, 1.5 asistimesh dhe 5.5 kërcimesh në 24 ndeshje sa luajti aty përgjatë stinorit 2023/24. Ai është i gjatë 195 centimetra.
Jeremiah Kendall është amerikan i cili në stinorin e kaluar ishte pjesë e Alcorn St ku në 29 ndeshje mesatarisht dha 15.8 pikë për lojë, 1.2 asistime dhe 6.7 kërcime. Ai është i gjatë 204 centimetra.
Ndërkaq Darryl Jordan Jr. që ka qenë pjesë e Brescias në stinorin e kaluar në NCAA-1 ka pasur mesatare prej 15.3 pikësh për ndedshje, 1.7 asistime dhe 7.3 kërcime. Ai është i gjatë 204 centimetra.
