Gokhan Sirin, lojtar i ri i Borës

Basketbollisti turk me përvojë, Gokham Osman Sirin është lojtar i ri i Borës. Ekipi prishtinas, që po debuton këtë stinor në Superligë të Kosovës, pas zyrtarizimit të amerikanit Vonterius Woolbright, ka bërë të ditur parmbrëmë se ka arritur marrëveshje me turkun Gokhan Sirin, pa dhënë detaje shtesë.

Ai është provuar në NCAA, ndërsa ka luajtur para një dekade në Darussafaka, Efes e Besiktas, më pas është bërë pjesë e Gaziantepit, ku ka kaluar pjesën më të madhe të karrierës. Basketbollisti 206 centimetra i gjatë luan në pozitat 3-4 dhe së fundi ka qenë pjesë e Ormanspor. Te Ormanspor Sirin ka pasur 5.4 pikë mesatarisht, 0.7 asistime e 3.3 kërcime, ndërsa ka luajtur 18.4 minuta si mesatare në 31 ndeshjet e stinorit të kaluar.