Bora zyrtarizon amerikanin e radhës në ekip!

Skuadra e Borës, që është e fundit në renditjen tabelare të Superligës në stinorin debutues të saj aty, ka zyrtarizuar së fundi basketbollistin amerikan të radhës në ekip.

Ekipi prishtinas ka bërë të ditur se ka angazhuar në ekip playmakerin Vonterius Woolbright. Sipas të dhënave në faqe të ndryshme basketbolli, kjo do të jetë përvoja e parë e tij tejoqeanike, ndërsa 24 vjeçari pritet të debutojë së shpejti në ekip.

“Mirë se vjen, Vonterius Woolbright! Me talentin tënd, presim sukses dhe energji të re te Bora Basketball. Përpara drejt fitoreve!
Gjatë sezonit 2023-24 në Universitetin e Karolinës Perëndimore, Vonterius ëoolbright pati një performancë statistikore mbresëlënëse:
• Pikët për lojë (PPG): 21.1
• Rebounds për lojë (RPG): 12.0
• Asistimet për lojë (APG): 6.1
• Double-doble: 27 (duke përfshirë dy triple-doble).
Woolbright vendosi gjithashtu rekorde në Konferencën Jugore (SoCon), duke fituar nëntë çmime Lojtari i Javës dhe tre çmime Lojtari i muajit, arritje që e vendosën atë në mesin e udhëheqësve historikë të konferencës.” ka bërë të ditur KB Bora në njoftim, për lojtarin e ri të ekipit të tyre.