Rami Hadar zyrtarizohet te ekipi izraelit

Trajneri i deritashëm i Pejës dhe i Kosovës, Rami Hadar, është zyrtarizuar si trajner i ri i ekipit izraelit Hapoel Beer Sheva. Ekipi në fjalë ka shprehur kënaqësinë që ka arritur marrëveshje me Hadarin.

Ky i fundit në dy vitet e fundit ka punuar me Pejën, deri në muajin e kaluar kur dha dorëheqje nga posti i tij. Njëjtë, ai u nda edhe të qenit selektor i Kosovës.

“Rami kthehet edhe për një periudhë me klubin. Herën e kaluar ai ka arritur suksese të ndryshme që i dini me klubin, ndërsa shpresojmë që edhe kësaj radhe të ngritemi si ekip derisa ai të punojë me të njëjtin pasion. Nuk kemi dyshim që bashkë do t’i dalim përballë të gjitha sfidave,” ka shkruar njoftimi i klubit Hapoel Beer Sheva.

Suksesi i madh i Hadarit me Pejën ishte kur dy stinorë më parë ka arritur të bëj verdhezinjtë kampionë të Kosovës, pas një periudhe të gjatë të këtyre të fundit pa titull kampion.