Qua Grant - lojtar i ri i Prishtinës

Basketbollisti amerikan Qua Grant është zyrtarizuar dje si përforcim i ri i Prishtinës, që ndau rrugët me Jalen Moore-in i cili shkoi në ligë të dytë të basketbollit turk, për ngritje në karrierë.

Grant, që në stinorin e fundit ka qenë pjesë e Helsinki Seagulls në elitën e basketbollit finlandez ka statistika të mira sipas raporteve të ekipeve, ndërsa ka luajtur 25 ndeshje me mesatare prej 25 minutash për lojë, duke shënuar 16.7 pikë ndeshje, 3.8 asistime dhe 4.2 kërcime.

I lindur në Texas të SHBA-ve, playmakeri 25 vjeçar në SHBA ka luajtur për ekipet e NCAA Wichita State Shockers dhe Sam Houston State Bearkats.

KB Prishtina në njoftimin për lojtarin ka shkruar shkurt, “mirësevjen Qua” ndërsa pas pushimit për shkak të ndeshjeve të kombëtareve në basketboll, pritet të shihet lojtari në akcion dhe ndikimi i tij në ekip.