Ylli ndau rrugët me tre të huaj

Përmes një njoftimi të shkurtër të botuar dje në llogarinë e klubit, Ylli ka bërë të ditur se ka ndarë rrugët me tre lojtarë të huaj të skuadrës.

Ekipi suharekas që pas ndarjes me trajnerin Casey Owens, po vazhdon ende me vendorin Endrit Elshani dhe ka arritur rezultate të pritura, ka vendosur që të mos vazhdojë tutje stinorin me Zach Goodline, Jakorie Smith dhe Terrell Brown.

Terrell Brown ka qenë koshashënuesi më i mirë i ekipit këtë stinor. Ai ka luajtur me mesatare prej 23.5 pikësh, 2.1 asistimesh dhe 5 kërcimesh për ndeshje.

TABELA AKTUALE E SUPERLIGËS

Zach Goodline nuk është se la përshtypje shumë, pasi që mesatarisht dha 1.7 pikë, 1.8 asistime dhe 1.1 kërcime për ndeshje, derisa Jakorie Smith nuk arsyetoi atë që klubi priste, me mesatare prej 6.3 pikëve, 1.1 asistimeve dhe 5.1 kërcimeve për ndeshje.

“Pas një marrëveshjeje të dyanshme, kemi vendosur të ndërpresim bashkëpunimin me lojtarët Zach Goodline, Jakorie Smith dhe Terrell Brown. Klubi shpreh mirënjohjen e tij për kontributin e tyre dhe ju uron suksese të shumta në karrierën e ardhshme!” - ka bërë të ditur KB Ylli.

Në ndërkohë, pritet të shihet nëse ekipi suharekas do të reagojë në treg të lojtarëve të huaj për të plotësuar boshllëqet e mbetura në ekip. Ylli aktualisht është i treti në renditje tabelare të Superligës me bilanc 5-4.