Pas dy humbjeve, Bashkimi këndellet me fitore në derbin lokal

Bashkimi ka hapur xhiron e dhjetë të Superligës, duke shënuar fitore në derbin lokal ndaj Prizrenit, të cilët i mposhti duke shënuar në secilin çerek 23 e më shumë pikë, për të fituar ndeshjen me rezultat 103-89.

Portokallezinjtë kështu iu kthyen fitores, pas dy humbjeve të shënuara në dy xhirot e fundit të stinorit, ndërsa ruajtën vendin e dytë në tabelë edhe pas kësaj xhiroje. Pas dhjetë xhirosh, Bashkimi ka bilanc 8-2, ndërsa Prizreni të kundërtën.