Ylli ia bën 2-0 Pejës

Në ndeshjen e ciklit të parë kishin fituar si mysafir me një pikë dallim, ndërsa tani me 8 pikë dallim. Ylli që nisi në mënyrë spektakulare ndeshjen me 39 pikë të shënuara në çerek të parë ruajti epërsinë e madhe dhe shkoi te fitorja 92-84 ndaj Pejës.

Ekipi i drejtuar nga Endrit Elshani ka dalë tashmë në bilanc pozitiv 6-5, ndërsa nga lojtarët në këtë përballje u veçuan William Tavares me 22 pikë, 4 asistime e 4 kërcime, Jalen Nesbitt me 20 pikë, 3 asistime e 9 kërcime, Arian Çallakaj me 16 pikë, Malcolm Armstead me 15 pikë e 9 asistime si dhe Lis Shoshi me 14 pikë e 11 kërcime, për të qenë i vetmi në ndeshje me double-double!

TABELA AKTUALE

Peja në çerek të fundit shënoi 32 pikë në kosh të Yllit karshi 16 të pranuarave, por nuk mjaftoi! Dardan Berisha luajti me 24 pikë e Terwell Beck me 19 pikë, ndërsa pjesa tjetër e ekipit nuk arriti të shënojë pikë dyshifrore. Peja tash kalon në bilanc negativ 5-6.

Ylli me këtë fitore është këndellur pas dy humbjeve të shënuara në dy xhirot e kaluara, kurse Peja pas tre fitoreve radhazi në Superligë, është kthyer te humbja!