Button akuzon Perezin

Britaniku 33 vjeçar, Jenson Button, që ka qenë kampion i Formula 1-shit në vitin 2009 u ka thënë reporterëve pas garës së djeshme se kolegu i tij meksikan ka rrezikuar tepër në garën e djeshme. 

“Ishte garë e pastë dje, çdokush i ngiste makinës si duhet, sipas rregullave - përveç kolegut tim,” është cituar të ketë thënë Button nga Eurosport. 

“Të godasësh gomat e tjetrit në shpejtësi prej 300 kilometra në orë, nuk është normale, por ja që ndodh. Kjo është ndoshta në rregull për ekipin, por ai nuk ka bërë ngasje të pastër. Ai duhet të rritet.” 

Dyshja e McLarenit ka qenë aktraktiviteti i garës së djeshme kur Sergio Perez është parë duke tentuar tejkalimin e Jenson Buttonit në shpejtësi të madhe - derisa edhe pse ekzistoi kontakti, të dy shpëtuan më së miri. 

Button përfundoi garën e Bahreinit në vendin e dhjetë, derisa kolegu i tij Sergio Perez, në vendin e gjashtë.