US OPEN
Cilic fiton titullin historik
9 September, 2014 @10:18
Marin Cilic është fituesi i turneut US Open. Tenisti kroat arriti ta fitojë Grand Slamin e parë në karrierën e tij duke e mposhtur në finale japonezin Kei Nishikori, i cili gjithashtu luajti për herë të parë në finale të një Grand Slami.
Cilic i fitoi të tri setet me rezultat të njëjtë, 6-3, 6-3 dhe 6-3.
Tenisti kroat para se të arrijë në finale e kishte mposhtur fituesin e pesëfishtë këtij turneu, Roger Federer, derisa finalisti tjetër, Nishikori e kishte befasuar numrin një të renditjes së ATP-së, Novak Djokovic.
Me fitoren e trofeut të US Open, Cilic ka fituar gjithsej 3 milionë dollarë nga ky kompeticion, derisa Nishikorit i kanë takuar 1 milion e 450 mijë dollarë.
