US OPEN
Rikthimi i Federerit
5 September, 2014 @9:02
Roger Federer edhe një herë e tregoi se përse është njëri prej tenistëve më të pëlqyer në botë. Zvicerani dhuroi spektakël në përballjen e tij çerekfinale me françezin Gael Monfils duke e mposhtur me rezultat 3-2 në sete.
Kur të gjithë mendonin se “kaq ishte” për Federerin pas dy seteve të para, të cilët i fitoi Monfilsi, zvicerani tregoi një rikthim të paparë duke i fituar setet në vazhdim për t’u kualifikuar në gjysmëfinale të US Open.
Federer në gjysmëfinale do të takohet me kroatin Marin Cilic, i cili e kishte fituar Tomas Berdych-in 3-0 në sete, derisa gjysmëfinalja tjetër do të luhet ndërmjet Novak Djokovicit dhe Kei Nishikorit.
