Dardan Kapiti (Trepça) - MVP (7)

Basketbollisti i Trepçës dhe i reprezentacionit të Kosovës, Dardan Kapiti, është përzgjedhur MVP i xhiros së shtatë të Superligës së Kosovës në basketboll nga FBK-ja.

Kapiti arriti indeksin e efiçencës 30 në përballje ku skuadra e tij mposhti Borën e fundit në renditje, ndërsa kreu lojën me double-double prej 18 pikësh dhe 15 kërcimesh, duke shtuar edhe 2 asistime në llogari të tij.

“Dardan Kapiti është lojtari më i mirë i javës së shtatë të ProCredit Superligës.
Qendra e Kosovës tregoi një paraqitje shumë të mirë përballë Borës, duke mbyllur ndeshjen me dyshifror të dyfishtë, 18 pikë e 15 kërcime. Kapiti shtoi edhe dy asistime, dy topa të vjedhur dhe tri bllokada, duke pasur indeksin 30, apo më të lartin e kësaj xhiro.” — shkroi FBK në njoftim.