Nelson: Ende duhet të përmirësohemi

Trajneri i Pejës, Daniel Nelson, pasi që përjetoi fitoren e parë në Superligë me verdhezinjtë ka thënë se ekipi i tij po përparon ngadalë, ndërsa ka ende punë për tu bërë për tu përmirësuar në lojë.

“Vëllaznimi është ekip i shkëlqyeshëm. Patën fitore të madhe ndaj Prishtinës me trajnerin e ri. Kemi pasur kohë të shikojmë si luajnë. Kemi treguar lojë të mirë, solide, por kemi menaxhuar t’i ndalim kur ata u afruan në rezultat. Njëjtë kemi qenë edhe ndaj Trepçës dhe Bashkimit, por kësaj radhe pak më mirë dhe arritëm te fitorja. Natyrisht, kemi edhe shumë vende për tu përmirësuar,” ka thënë ndër të tjera trajneri irlandez i Pejës, Daniel Nelson.

Me fitoren ndaj Vëllaznimit, Peja ka ndërprerë serinë prej katër humbjeve radhazi në Superligë. Tash ekipi i drejtuar nga iralndezi Nelson po kërkon këndelljen, derisa ka larguar dy të huaj për të sjellë një të ri në ekip.