WBO
Dueli jetësor i Haxhi Krasniqit
20 March, 2015 @19:12
Boksieri nga Juniku, Haxhi Krasniqi, nesër do ta zhvillojë ndeshjen më të rëndësishme të karrierës.
“Ndeshja më e rëndësishme e jetës sime. Një fitore nesër do të ndryshonte gjithçka në jetën time. Nëse fitoj, do të bëhem boksieri i parë kampion nga Muncheni, Bavaria dhe natyrisht nga Kosova e Shqipëria. Jam plotësisht i gatshëm për këtë ndeshje” ka thënë Krasniqi, transmtoi Kosova Sot.
Krasniqi është sfidues i gjermanit Jurgen Brahmer, ndërsa ndeshja do të zhvillohet në StadtHalle të Rostockut në Gjermani.
Promotori i ndeshjes nuk i jep shumë gjasa Krasniqit për fitore, ndërsa rivali i tij, Brahmer ka thënë se Kransiqi është ambicioz, por nuk do të mund ta merr titullin nga ai.
Haxhi Krasniqi në rast të fitores ndaj Brahmerit nesër mbrëma do të shpallej kampion bote në version WBO të boksit.
