Për herë të parë me dysheme speciale!

Ndeshja kryesore e javës 21 në Superligën e hendbollit, Prishtina - Kastrioti, do të ketë një risi të madhe.

Klubi nikoqir i kësaj ndeshjeje, Prishtina, nëpërmjet faqes së saj zyrtare në Facebook ka njoftuar se kjo ndeshje, do të luhet me dyshme speciale për hendboll.

Kjo do të jetë hera e parë në historinë e hendbollit kosovar, që një ndeshje e Superligës do të zhvillohet në dysheme të tillë.

Ndeshja derbi e javës, Prishtina - Kastrioti, do të luhet të dielën më 22 mars në ora 17:00.

Prishtina gjenden në pozitën e dytë të radhitjes tabelare me 32 pikë, menjëherë pas liderit Besa Famiglia që ka 39 sosh, derisa Kastrioti renditet në pozitën e tretë dhe ka 25 pikë të grumbulluara deri më tani.