Feniksi mëson rivalët e Elite Round

Kampioni i Kosovës në futsall, Feniks, ka arritur sukses të madh në stinorin debutues në gara europiane, duke kaluar raundin preliminar në Andorrë, e pastaj edhe atë kryesor në IRJ Maqedoni.

Me kalimin e këtyre raundeve, Feniks, tash kyqet te Elite Round, që është ‘kajmaku’ i ekipeve europiane të futsallit, ndërsa sot në zyret e UEFA-së është hedhur edhe shorti për fazën grupore.

RIVALËT SUPERIOR

Kështu, Feniksi ka qëlluar në një grup me ekipet si Kairat Almaty (KAZ), Nikars Riga (LIT) dhe Real Rieti (ITA).

Ndeshjet e fazës grupore do të zhvillohen prej datës 22 deri më datën 27 nëntor 2016. Fituesit e grupeve do të shkojnë në finalet e sistemit eliminator, ku njëra nga 4 ekipet do të jetë organizatore e turneut final.