Vazhdon rënia e Djokovicit

Vazhdon rënia e serbit Novak Djokovic.

Pasi humbi në US Open nga Stan Wawrinka pak kohë më parë, Novak Djokovic është mposhtur edhe në gjysmëfinale të ‘Shanghai Masters’ në Kinë. Vlen të theksohet, që përkundër humbjeve nëpër turnire sivjet, Novak Djokovic ka fituar më shumë se 5 milionë euro.

‘Nole’ u eliminua në gjysmëfinale të këtij turneu nga spanjolli Roberto Bautista-Agut me rezultat 0-2 në sete, ndërsa dy setet përfunduan me rezultat të njëjtë 6-4.

Viti 2016 vazhdon të jetë një vit i vështirë për Djokovicin, edhe pse pritej të ishte një vit i mbushur me suksese për të, duke marrë parasysh që ky vit filloi me triumfet e Noles në ‘Australian Open’ e ‘Roland Garros’, mirëpo pas tyre, dështimet ishin të njëpasnjëshme, duke filluar nga ‘Wimbledoni’ e deri në ‘Shanghai Masters’.

Në gjysmëfinalen tjetër të Shanghait, Andy Murray luan ndaj francezit Gilles Simon, ndërsa nëse e fiton këtë turne, Murray do të jetë 900 pikë prapa Novak Djokovicit në ranglistën e përgjithshme të tenisit botëror.

Përkundër humbjes, Nole vazhdon të jetë i pari në atë listë.