FUTSAL UEFA CUP
Feniksi nis me fitore raundin e dytë
11 October, 2016 @22:21
Skuadra kosovare e futsallit, Feniks, ka nisur me fitore edhe raundin e dytë (main round) të Futsal Kupës së UEFA-së sonte.
Ata kanë mposhtur ekipin maqedon, Zelezarec, me rezultat 5-0 në Shkup sonte, me anë të golave të shënuara nga Marcelo (2), Mejzini (2) dhe Alibegu.
Grupi 2, ku bën pjesë Feniski nga Drenasi, numëron 4 skuadra dhe të gjitha ndeshjet luhen në Shkup. Përveç Feniksit dhe Zelezarecit, në këtë grup bëjnë pjesë edhe Araz nga Azerbejxhani dhe Tbilis University nga Gjeorgjia. Në duelin e këtyre dy skuadrave fitore ka shënuar Arazi.
