Feniksi në garat e UEFA-s

Edhe pse u ndalua përfaqësimi i skuadrave të futbollit, Ferronikelit dhe Prishtinës, në garat ndërkombëtare të organizuara nga UEFA, megjithatë një skuadër do ta përfaqësojë Kosovën në Europë.

Kampioni i Kosovës, Feniksi, është skuadra që do të luajë në fazën kualifikuese për UEFA Futsal Cup në edicionin e ri.

Skuadrës nga Drenasi i ka ardhur konfirmimi nga UEFA, ndërsa zyrtarët e klubit janë ftuar në Nyon të Zvicrës në muajin korrik kur edhe do të hidhet shorti për këtë garë.

Feniksi ditë më parë u shpall kampion i Kosovës duke e mposhtur në serinë finale të Play Offit skuadrën nga Gjakova, Liburni.