Downhill Gjeravica 2016!

Në bashkëpunim mes klubit të çiklizmit “Mountain Bike Gjakova”, klubit të çiklizmit “Mountain Bike Albania”, komunës së Junikut dhe Federatës së Çiklizmit të Kosovës, për herë të parë në historinë e çiklizmit kosovar organizohet gara ndërkombëtare “Downhill Gjeravica 2016”. Gara mbahet më datat 4 dhe 5 qershor në bjeshkët e Gjeravicës.

Ky manifestim atraktiv sportiv përveç pjesës sportive ka për qëllim edhe shpalosjen e bukurive të bjeshkëve të paeksploruara të Kosovës.

Pak ditë para fillimit të garës konfirmohet të ketë interesim për pjesëmarrje edhe nga Maqedonia, Mali i Zi dhe Shqipëria.

Për t’u bërë pjesë e garës duhet të kryhet një pagesë përkatëse para ditës së shtunë (4 qershor) dhe mosha për secilin pjesëmarrës duhet të jetë mbi 18 vjeç. Detajet e tjera të aplikimit dhe të ngjarjeve gjatë garës janë të publikuara në faqen “MTB Gjakova” në Facebook.