GAME 1: PRISHTINA - BASHKIMI
Fitore në udhëtim, Bashkimi merr epërsinë!
13 May, 2017 @20:52
Në takimin e parë të serisë finale mes Prishtinës dhe Bashkimit, takim ky që u zhvillua në kryeqytet, fituese doli skuadra prizrenase, e cila takimin e mbylli me rezultat 66-76, për ta krijuar kështu epërsinë 1-0 pas ndeshjes së parë të serisë finale.
Çereku i parë i ndeshjes filloi me një seri të mirë të Prishtinës, mirëpo u mbyll me rezultat të barabartë falë një serie 8-0 të prizrenasve në minutat e fundit.
Në çerekun e dytë, Bashkimi u tregua ekip më i mirë, duke shënuar 7 pikë më shumë se vendasit, për ta mbyllur kështu pjesën e parë të takimit me rezultat 31-38.
Sa i përket çerekut të tretë, Prishtina shënoi vetëm 1 pikë më shumë se Bashkimi, duke bërë kështu që epërsia që u krijua nga prizrenasit pas pjesës së parë të mos zvogëlohet për shumë pikë. E në çerekun e fundit prizrenasit e vulosën fitoren e tyre, duke zhvilluar mbrojtje të mirë dhe sulm efikas, për ta mbyllur ndeshjen me 10 pikë diferencë.
Për t’u përmendur nga ky takim është fakti që te Bashkimi 5 lojtarë të ndryshëm shënuan pikë dyshifrore, që jep ‘ogur’ të qartë të lojës shumë të mirë ekipore nga prizrenasit, gjë që rezultoi në fitore në takimin e sontëm.
Më të dalluarit te Prishtina ishin Nenad Delic me 23 pikë, 10 kërcime e 2 asistime dhe Jabarie Hinds me 17 pikë e 3 kërcime, derisa te Bashkimi u veçuan Kayel Locke me 20 pikë, 1 kërcim e 2 asistime dhe Justin Black me 14 pikë, 9 kërcime e 1 asistim.
Ndeshja e dytë e serisë luhet në Prizren, ndërsa skuadra që i fiton 3 ndeshje nga seria, shpallet kampione e Kosovës.
KB PRISHTINA
| 1 | Nenad Delic (30:19) | 23 pikë | 10 kërcime | 2 asistime |
| 2 | Jabarie Hinds (33:02) | 17 pikë | 3 kërcime | - |
| 3 | Granit Rugova (24:16) | 13 pikë | 3 kërcime | - |
| 4 | Drilon Hajrizi (34:31) | 5 pikë | 3 kërcime | 4 asistime |
| 5 | Mike Moser (20:56) | 4 pikë | 10 kërcime | 2 asistime |
| 6 | Edmond Azemi (11:21) | 3 pikë | - | 1 asistim |
| 7 | Fisnik Rugova (23:41) | 1 pikë | 3 kërcime | 1 asistime |
| 8 | Willie Kemp (19:27) | - | 2 kërcime | 3 asistime |
| 9 | Urim Zenelaj (02:23) | - | 1 kërcim | - |
| 10 | Muhamedali Janjeva (00:00) | - | - | - |
| 11 | Rinor Peci (00:00) | - | - | - |
| 12 | Gazzali Makasqi (00:00) | - | - | - |
KB BASHKIMI
| 1 | Kayel Locke (32:40) | 20 pikë | 1 kërcim | 2 asistime |
| 2 | Justin Black (22:04) | 14 pikë | 9 kërcime | 1 asistim |
| 3 | Gazmend Sinani (26:26) | 12 pikë | 5 kërcime | - |
| 4 | Mikaile Tmusic (37:58) | 10 pikë | 4 kërcime | 2 asistime |
| 5 | Marko Popovic (20:30) | 10 pikë | 5 kërcime | 3 asistime |
| 6 | Garrius Adams (12:33) | 3 pikë | 2 kërcime | 1 asistim |
| 7 | Imer Tahiri (07:00) | 3 pikë | 2 kërcime | 1 asistim |
| 8 | Temi Soyebo (32:11) | 2 pikë | 6 kërcime | 9 asistime |
| 9 | Qëndrim Biraj (08:34) | 2 pikë | - | 1 kërcim |
| 10 | Edmond Kryeziu (00:00) | - | - | - |
| 11 | Arion Balluku (00:00) | - | - | - |
| 12 | Arian Tahiri (00:00) | - | - | - |
