Kampionati i Kosovës - Fituesit

​Zhvillimi i sportit të skijimit në Kosovë po vazhdon. Pas disa garave të organizuara në Bogë e Brod në muajt dhjetor e janar, dje në Brod të Dragashit u mbajt edhe Kampionati i Kosovës në disiplinën e sllallomit. Garat u organizuan për të gjitha grupmoshat dhe pothuajse të gjitha klubet e mbyllën ditën me medalje të grumbulluara.

Në kategorinë seniore të meshkujve, dy vendet e para i takuan Dardan dhe Eordejt Pupovcit nga klubi skitar “Alpi” kurse vendi i tretë i takoi Egzon Xharavinës nga klubi skitar “Pashtriku”.

Tek femrat, në kategorinë seniore tre vendet e para u fituan nga: Venesa Gjurkaj (Peja), Erida Kurshumlia (Alpi) dhe Elza Xharavina (Pashtriku).

Çmime fituan edhe klubet tjera skitare të Kosovës: Klubi skitar “Prishtina” doli fitues në kategorinë e Pionereve të vjetra me kandidatet Lyra Hoxha, Elba Kokaj dhe Krenare Lika. Klubi “Gjakova” morri vendin e tretë tek juniorët e vjetër përmes Ardi Haxhidautit dhe vendin e parë tek junioret e reja përmes Adea Haxhidautit.

Ja lista e plotë e atyre që fituan medalje.