Kampionët në kërkim të Superkupës

Dy skuadrat kampione të Kosovës në volejboll, KV Drita te femrat dhe KV Peja te meshkujt, pasditen e nesërme (3 maj 2018) në Gjilan, do të kërkojnë edhe trofeun e radhës.

Me fillim nga ora 17:00 luhet ndeshja në kategorinë e meshkujve, ku për trofeun e Superkupës ndeshjen KV Luboteni dhe KV Peja.

Ndërsa me fillim nga ora 20:00 luhet ndeshja e Superkupës për femra KV Drita dhe KV Kastrioti.

KV Peja dhe KV Drita ditë më parë u shpallën kampionë në kategoritë e tyre, ndërsa tash do të kërkojnë që të përfundojnë stinorin edhe me trofetë e radhës.

Të dyja ndeshjet zhvillohen në Bashkim Selishta të Gjilanit, ndërsa transmetohen direkt nga RTK. Superkupën e meshkujve e transmeton drejtpërdrejtë RTK 1, ndërsa atë të femrave, RTK 4.