GAME 2: LAKERS - ROCKETS
LeBron James shkëlqen, barazohet seria
7 September, 2020 @10:08
Los Angeles Lakers duke e mposhtur Houston Rocketsin me rezultat 117-109, e barazoi serinë gjysmëfinale të Konferencës Perëndimore në 1-1.
Lakers gjatë ndeshjes ishte në epërsi prej 21 pikëve, mirëpo në pjesën e dytë të ndeshjes Houstoni arriti të kalojë në epërsi. Megjithatë, Lakersat nga humbja e shpëtuan dyshja LeBron James e Anthony Davis.
Anthony Davis luajti me 34 pikë e 10 kërcime, kurse LeBron James ishte shumë afër shifrave magjike triple-double duke luajtur me 28 pikë, 11 kërcime e 9 asistime.
Te Houstoni më i miri ishte James Harden me 27 pikë e 7 asistime.
Ndeshja e tretë e serisë do të luhet më 9 shtator.
