SIGAL PRISHTINA - RAHOVECI
Mbyllet stinori vjeshtor pa humbje për Prishtinën
15 December, 2017 @20:57
Sigal Prishtina, duke e mposhtur Rahovecin me rezultat 98-72, e mbylli stinorin vjeshtor duke i fituar të gjitha ndeshjet.
Kampioni aktual, i kaloi me lehtësi “vreshtarët”, derisa më të dalluarit në ndeshje ishin Granit Rugova i cili shkëlqeu me 29 pikë dhe rol të rëndësishëm luajti edhe Wayne Martin që ishte shumë afër shifrave magjike triple-double me 20 pikë, 13 kërcime e 8 asistime.
Te Rahoveci Mustafë Merovci luajti me 15 pikë, por nuk mjaftuan për ta befasuar kundërshtarin.
Sigal Prishtina e përfundoi stinorin vjeshtor me bilanc 14-0, derisa Rahoveci ka bilanc prej 8 fitoreve e 6 humbjeve deri më tani.
