McNeail dhe Mijovic, lojtarët që Peja duhet t’i ndalë

Peja nuk do të ketë punë fare të lehtë ndaj Kozuvit sonte në duelin e parë çerekfinal të saj në BIBL.

Verdhezinjtë, të cilët do të kenë në dispozicion edhe trajnerit Aleksandar Todorov në ndeshje, do të duhet t’i bëjnë ballë dyshes së frikshme të Kozuvit.

Amerikani Kenyon McNeail është basketbollisti me mesatare më të mirë të pikëve të shënuara në ndeshje këtë stinor në BIBL. Ai shënon mbi 20 pikë mesatarisht. Saktë, 20.5 pikë për ndeshje dhe më i miri aktualisht në BIBL.

Njejtë, Milivoje Milovic është lojtari me shifër të vlefshmërisë më të madhe në BIBL këtë stinor. Ai ka mesatare 20.9 në këtë aspekt për ndeshje.

MË TË MIRËT E PEJËS, STATISTIKISHT

Prandaj treshja më e rëndësishme e Pejës në bazë të statistikave vetëm të BIBL, Alban Veseli 17.6 pikë si mesatare, Austin Tillotson 4.9 asistime si mesatare dhe Noah Dahlman 18.1 si mesatare të vlefshmërisë për ndeshje - do të duhet të bëjnë më të mirën e tyre për të arritur te një rezultat i favorshëm në “Karagaç” para ndeshjes së kthimit në Gjevgjeli, që zhvillohet më 15 mars 2017, ku definitivisht do të përcaktohet gjysmëfinalisti i fundit i BIBL për këtë stinor.

DUELET E DERITASHME

Sa i përket dueleve ndërmjet skuadrave në fjalë në kuadër të BIBL, Peja dhe Kozuv janë takuar katër herë dhe kanë bilanc 2-2 me fitore si vendas, secila.

15 tetor 2013: Kozuv 84-79 PEJA
21 janar 2014: PEJA 68-62 Kozuv
10 shkurt 2016: PEJA 77-76 Kozuv
9 mars 2016: Kozuv 72-67 PEJA