Medaljet për Tokio 2020, prodhohen nga mbeturinat elektronike

Organizatorët e Lojërave Olimpike “Tokio 2020” shpresojnë që të shfrytëzojnë minierën urbane të pjesëve elektronike të paisjeve të ndryshme.

Sipas njoftimit të botuar në Nikkei.com, mbeturinat e tilla elektronike përmbajnë sasi të mjaftueshme të metaleve për të prodhuar medalje për Lojërat Olimpike dhe Paralimpike që do të mbahen në kryeqytetin japonez katër vite më vonë, përcjell Borozani.com.

Për LO Londra 2012 janë përdorë 9.6 kilogramë ari, 1 mijë e 210 kilogramë argjend dhe 700 kilogramë bakër (element bazë për prodhimin e bronzës) për të prodhuar të gjitha medaljet e nevojshme.

Si krahasim, sasia e metaleve të vlefshme nga mbeturinat elektronike në Japoni në vitin 2014 ka qenë 143 kilorgamë ari, 1 mijë e 566 kilogramë argjend dhe 1 ton e 112 kilogramë bakër.

Derisa Japonia njihet si vend i varfër në resurse natyrore, ajo është minierë e arit dhe argjendit sa i përket pllakave elektronike në paisje të ndryshme duke nisur që nga telefonat e mençur dhe të tjerat më të mëdha, që çojnë deri në 20% të rezervave botërore!!!

Në Japoni, 650 mijë tonë të paisjeve elektronike mblidhen/çmontohen/reciklohen nga mbeturinat në vjet.