SHBA-të për fund

Kampioni botëror në stil të lirë në mundje në kategorinë deri 97kg, Kyle Snyder mbrojti titullin për SHBA-të në këtë kategori të cilin e kishte fituar në Londër, bashkëkombësi i tij Jake Varner. Mundësi 20 vjeçar në finale mposhti Khetag Gazyumovin nga Azerbajxhani. Të bronztat i takuan Albert Saritov nga Rumania dhe Magomed Ibragimov nga Uzbekistani.

Në finalen tjetër të ditës, atë deri në 65kg në të njëjtin stil, titulli i takoi rusit Soslan Ramonov. Toghrul Asgarov nga Azerbajxhani mori të argjendtën, derisa të bronztat shkuan për italianin Frank Chamizo e Ikhtiyor Navruzov nga Uzbekistani.

Në sportin e mundjes, Rusia ishte më e mira me nëntë medalje, nga të cilat katër të arta. Po aq të arta, por shtatë medalje në total pati Japonia e cila dominoi kryesisht konkurrencën femërore. Kuba me dy të arta ishte i vetmi vend tjetër që kishte më shumë se një të artë.