Mo i katërfishtë

Pas 108 viteve, SHBA-të kanë fituar të artën në vrapim 1500m. Këtë sukses e arriti Matthew Centrowitz Jr, i cili e mbylli garën në kohë 3:50.00. Kampioni nga Londra, Taoufik Makhloufi përfundoi vetëm i dyti me kohë 3:50.11. I argjendti nga Londra, Nick Willis mori të bronztën për Zelandën e Re.

Në vrapimin tjetër tek meshkujt, britaniku Mo Farah fitoi të artën e katërt olimpike duke mbrojtur titullin nga Londra në 5000m vrap. Ai përballoi me sukses sulmin e Paul Kipkemoi Chelimo nga SHBA-të i cili me 0.60 sekonda vonesë arriti të marr të argjendtën. Koha e amerikanit ishte 13:03.30. e bronzta shkoi për Hagos Gebrhiwet nga Etiopia.

Për Mo Farah ishte kjo e arta e katërt olimpike pasi edhe në Londër kishte marr të artat në 5000m e 10000m.

Caster Semenya nga Afrika Jugore mori të artën olimpike në 800m. E argjendta nga Londra, përfundoi e para larg Francine Niyonsaba nga Burundi dhe Margaret Wambui nga Kenia.

Në disiplinat teknike, Thomas Rohler nga Gjermania mori të artën në hedhje shtize me 90.30m. kampioni botëror, Julius Yego nga Kenia mbeti i dyti me 88.24m që kishte arritur në rundin e parë para se të lëndohej duke mos provuar fare në dy rundet e fundit. kampioni olimpik nga Londra, Keshoorn Walcott nga Trinidad e Tobago mori të bronztën.

Në mungesë të kampiones nga Londra, Anna Chicherovas e përfaqësueseve ruse në kërcim së larti tek femrat, e arta i takoi spanjolles të kthyer nga pensioni, Ruth Bethia. Ajo ishte njëra ndër katër atletet që kishte kaluar 1.97m, por për shkak se nuk pati asnjë tentim të gabuar para lartësisë 2.00m, mori të artën. Mirela Demireva nga Bullgaria mbeti me të argjendtën, derisa kampionia e dyfishtë e botës dhe e argjendta nga Pekini, kroatja Blanka Vlasic mbeti e bronztë.

Stafetat 4x400m u takuan amerikanëve. Xhamajka mori të argjendtën në të dy konkurrencat, derisa e bronzta tek meshkujt i takoi Bahamave, ndërsa tek femrat Britanisë së Madhe.

Atletika mbaron sot me garën e maratonës për meshkuj.