TEKVONDO
Të rëndat për Kinën e Azerbajxhanin
21 August, 2016 @11:16
Radik Isayev nga Azerbajxhani ka fituar titullin olimpik në kategorinë e rëndë, mbi 87kg në sportin e tekvondos në Rio.
Kampioni i fundit botëror nga Chelyabinsk në finale ishte më i mirë se Abdoul Issoufou nga Nigeri, i cili i solli vendit të tij medaljen e parë në këto lojëra dhe të dytën në histori pas asaj në boks në Mynih më 1972.
Maicon Siqueira nga Brazili e Cha Dong-min nga Koreja Jugore morën të bronztat.
Tek femrat, në kategorinë e rëndë olimpike, mbi 67kg titulli i takoi kinezes Zheng Shuyin. Ajo në finale mposhti Maria Espinozan nga Meksika. Bianca Walkden nga Britania e Madhe mori të bronztën bashkë me Jackie Galloway nga SHBA-të.
Me këtë të artë, Kina barazoi Korenë Jugore me nga dy të arta nga kjo olimpiadë. Derisa këto janë të vetme medalje për Kinën, Koreja ka pesë në total. Azerbajxhani e Britania e Madhe i përcjellin me nga tri medalje.