VOLEJBOLL
Kinezet kampione olimpike
21 August, 2016 @11:08
Për herë të tretë në histori, Kina ka fituar të artën olimpike në volejboll tek femrat. Këtë sukses ato e arritën pas fitores 3-1 në sete (19-25, 25-17, 25-22, 25-23) kundër Serbisë. Për serbet ishte kjo medalja e parë olimpike.
E bronzta i takoi SHBA-ve të cilat falë rezultatit 3-1 në sete i mohuan Holandës medaljen e parë olimpike.
Në histori të lojërave olimpike në volejboll të femrave, Bashkimi Sovjetik ka katër tituj, Kuba i ka tre, derisa Brazili dhe Japonia kanë qenë nga dy herë kampione.