SHBA-të më të mirat

Si asnjëherë në 32 vitet e fundit, SHBA-të kanë mbledhur medalje në lojërat olimpike verore. Me gjithsej 121 medalje të fituara, Rio 2016 mbetet olimpiada më e suksesshme për SHBA-të që është organizuar jashtë territorit të saj. Himni i SHBA-ve është dëgjuar 46 herë në shenjë të secilit titull të fituar nga sportistët amerikan. Këta sportistë kanë shtuar edhe 37 të argjendta dhe 38 të bronzta.

Britania e Madhe ka marr dy medalje më shumë se në Londër, por edhe aq të arta më pak, që në krahasim me vitet e 90ta, megjithatë është më shumë se trefishi i medaljeve dhe titujve. Kina ka vazhduar me rënie. Nga 100 sa ka pasur në Pekin, 88 në Londër, në Rio kanë mbetur vetëm në 70.

Rënie ka pasur edhe Rusia, e goditur nga dënimet sidomos në sportin e atletikës. Që nga Atlanta, këto kanë qenë lojërat më të dobëta me vetëm 56 medalje për ta. Për Gjermaninë, Francën, e Italinë, kjo olimpiadë nuk ka pasur ndonjë ndryshim duke qëndruar në nivel të medaljeve që marrin zakonisht.

Japonia ka shënuar rekord të ri me 41 medalje, por jo edhe me tituj që ishin vetëm 12. Koreja Jugore ka pasur olimpiadën më të dobët që nga Los Anxhelosi. Edhe Australianët kanë vazhduar me rënie që nga Sidnej duke marr vetëm gjysmën e medaljeve dhe titujve që kishin pasur atëherë.

Brazilianët kanë fituar shtatë tituj, por me vetëm 13 medalje kanë shënuar bilancin më negativ në histori të olimpiadave në të cilat kanë marr medalje.
Me medaljen e artë të Majlinda Kelmendit, Kosova është ndër vendet më të suksesshme ballkanike në këto lojëra. Maqedonia, e Mali i Zi kanë mbetur pa asnjë medalje në Rio. Medaljen e parë olimpike në histori nuk e kanë arritur as kësaj here Shqipëria e Bosnja e Hercegovina. Ndërkohë Bullgaria nuk ka pasur medalje të artë.

Renditja përfundimtare (të arta, të argjendta, të bronzta, totali)
1. SHBA-të 46 37 38 121
2. Britania e Madhe 27 23 17 67
3. Kina 26 18 26 70
4. Rusia 19 18 19 56
5. Gjermania 17 10 15 42
6. Japonia 12 8 21 41
7. Franca 10 18 14 42
8. Koreja Jugore 9 3 9 21
9. Italia 8 12 8 28
10. Australia 8 11 10 29