SOT ARRIN
Mysafiri i rëndësishëm
17 April, 2015 @8:54
Thomas Bach, kryetari i Komitetit Olimpik Ndërkombëtar, KON, pritet të vizitojë sot Kosovën.
Vizita e parë e një njeriu me kaq peshë sportive ka gëzuar tej mase edhe kreun e Komitetit Olimpik të Kosovës, KOK, Besim Hasani, që e ka cilësuar këtë vizitë si vizita më e rëndësishme që ndonjëherë i është bërë Kosovës.
“Nesër është një ditë e madhe, pasi që KOK pret njeriun që lëvizja botërore olimpike e konsideron më të madh, ndërsa unë, vizita më e rëndësishme që i është bërë ndonjëherë Kosovës. Nesër vjen kreu i KON-it, Thomas Bach, me delegacionin e tij,” ka thënë Besim Hasani në konferencën e djeshme për shtyp.
Vizita e Bachut në Kosovë dhe rajon, është e para që nga viti 1984, kur për herë të fundit kreu i KON-it kishte qëndruar në këtë rajon, atëherë Juan Antonio Samaranch.
Në vitin 1984 Sarajeva kishte qenë organizatore e Lojërave Olimpike Dimërore.
