Nadal siguron çerekfinalen

Bartësit të tretë të turneut, Rafael Nadal, nuk po i dihet. 

Forma e tij, e mirë, herë po pengohet nga lëndimi, e herë ai po tregon lojë mahnitëse, pa shenja dhimbjeje. 

E sot, në terren ka qenë ai Nadali i vjetër, që nuk e mëshiron kundërshtarin. 

Tre sete, të treja fitore të lehta për të arritur në tetëshen më të mirë të turneut. 

Në çerekfinale, Tomas Berdych, bartësi i shtatë i turneut do të jetë kundërshtari i Nadalit, pasi që çeku mposhti australianin Bernand Tomic gjithashtu sot në tre sete.