GAME 2: NEW BASKET - GRAPELAND

TOPSPORTI / Arian Paçarizi
New Basket barazon serinë, finalisti caktohet në Rahovec
29 March, 2025 @10:43
Skuadra e New Basketit e mposhti Grapelandin në Prizren me rezultat 86-73 dhe e barazoi serinë në 1-1.
Gjatë gjithë ndeshjes kontrolli ishte te skuadra prizrenase ku e kërkuan fitoren më shumë.
Jordan Robinson shkëlqeu me 34 pikë, 7 kërcime e 7 asistime. Ai u ndihmua edhe nga Idoll Pallushi me 15 pikë, 8 kërcime e 5 asistime dhe Qëndrim Ajazaj me 14 pikë e 14 kërcime.
Te Grapelandi u veçuan Kujtim Ujkani me 19 pikë, Arion Balluku e Burim Zekiqi me nga 14 pikë secili.
Ndeshja e tretë dhe e fundit e serisë do të luhet në Rahovec, ku fituesi do të kualifikohet në finale të Ligës së Parë.