NEW BASKET - VUSHTRRIA
TOPSPORTI / Arian Paçarizi
New Basketi njoftohet me fitore, Vushtrria ende pa fitore
31 October, 2024 @23:12
Skuadra prizrenase, New Basket, ka regjistruar fitoren e parë e stinorit, duke e mposhtur Vushtrrinë me rezultat 112-89.
New Basket me lehtësi e mposhti kundërshtarin, kurse në mënyrë ekipore shënuan 20 herë nga vija e treshit.
Eliot Peci luajti me 32 pikë. Ai shënoi 8 herë nga vija e treshit. Peci u ndihmua edhe nga Qëndrim Ajazaj me 17 pikë, 8 kërcime e 7 asistime dhe nga Altin Shala e Bener Mitrovica që shënuan me nga 13 pikë secili.
Te Vushtrria u dalluan Drinor Gërxhaliu me 19 pikë, Erhan Sholla e Yll Nuradini me nga 17 pikë dhe Shpat Syla me 16 pikë.
New Basket aktualisht ka 1 fitore e 2 humbje, derisa Vushtrria 0 fitore e 3 humbje.
Në xhiron e katërt, New Basketi do të takohet me Kerasanin, kurse Vushtrria me Borean.
